【#今次FactFact：呢啲嘢都有得讀？？🕺🏻💃🏻】

讀到上 #大專，有咩科讀呢：文、科、工、商呢啲大路嘢？少年，睇怕你都係爭咗啲想像力。

上次講完高科技科目（ bit.ly/30t4TVX），今次就嚟睇睇，各間院校有咩新奇科目啦 🧐

› #網店及零售管理：而家網購越嚟越普及，如果膽粗粗想做個「網店大亨」，應該點樣經營同管理呢？IVE就有提供提供呢方面嘅學科。

› #電競：睇YouTube成日見到啲打機KOL，印印腳咁佗佻咁嘅？其實又點止咁簡單：活動策劃、節目管理、剪片，有好多範疇要注意㗎。公大同HKU SPACE，都有開辦相關嘅課程。

› #超媒體：呢個聽落咁霸氣嘅科目，係HKDI嘅一科嚟。讀啲咩？其實係學點樣透過社交媒體、遊戲、影片、動畫之類嘅各種形式同平台，跨媒介咁去宣傳自己啲content，甚至會接觸到AR、VR嘅遊戲製作！

› #國際主題樂園及項目管理：平時去玩就去得多喇，但管理一個係唔少人「童年憧憬」嘅樂園，又有咩要注意呢？呢科就讀到喇。不過估佢唔到，竟然係國際廚藝學院嘅一科嚟。

› #園藝及園境管理：嗱，THEi真係有得讀呢科㗎！笑完之後諗真啲，家下城市重視綠化，都真係需要呢啲人才嚟配合吓～

› 此外，唔少院校仲會有其他進階嘅進修課程， 例如THEi嘅 #草坪科學與管理、中華廚藝學院嘅 #中華健康美食及營養，之後可以繼續拓展專業知識。

睇完呢啲科目，覺得好 #千奇百趣 ？換個角度睇，一樣米養百樣人，而百樣人，就有百種興趣——唔鍾意學術嘅，其實選擇都一樣咁多㗎～

〖👩🏻‍🏫教育知多啲〗
› 曾俊華：AI時代來臨 教育如何應對？ bit.ly/2Em1KPi
› DSE以外有咩出路？ bit.ly/2Pb800x
› 個個都話STEM，唔通個個都識STEM咩 bit.ly/2WmcGra

〖文中提及院校〗
IVE (Haking Wong)
香港公開大學(The Open University of Hong Kong)
HKU SPACE 香港大學專業進修學院
Hong Kong Design Institute – HKDI
THEi 香港高等教育科技學院
酒店及旅遊學院 (HTI), 中華廚藝學院 (CCI), 國際廚藝學院 (ICI)