【創業路上 點先搵到貴人？】

唔少從事創科業嘅港青都想北上創業，藉此開拓更大舞台。身為土生土長香港人嘅鄧文俊就創辦從事AR(擴增實境)等業務嘅科技公司，目前該公司喺香港、東莞及珠海均設有辦公室；但佢指出，喺內地發展往往會遇到稅制不同、資金不足等疑難。喺呢方面，「孵化器」就可以大派用場，方便港人認識法規、尋找政府津貼。

而根據團結香港基金、國家科學技術部火炬高技術產業開發中心共同完成嘅《釋放港青科創潛力 共建國家雙創引擎》研究報告，就指出「孵化器」可以更進一步，建議內地大型孵化基地可以對在孵企業進行風險投資。以美國 Y Combinator 孵化器為例，成功入圍嘅初創公司會獲得50萬美元投資，當中12.5萬美元會換取公司7%股權，可藉此創造雙贏局面。