【唔睇醫生 得唔得？】

香港生活節奏急促，唔少人都覺「心很累」。但由感到受壓，去到抑鬱、焦慮等一般精神病，以至於思覺失調等嚴重精神病，其實精神健康服務嘅光譜非常廣闊。不過，目前公立醫院中嘅大部分心理服務都係為嚴重精神病患者而設，同時大多屬於專科層級。喺目前服務供不應求嘅情況之下，有冇方法可以做好分層，令唔同需要嘅人士可以「各取所需」，甚至可以喺社區（地區康健中心、精神健康綜合社區中心等地點）之中得到最適切、及時嘅護理？