【轉發】【想回到過去？】 | 政策．正察

【想回到過去？】

AI(人工智能)日益進步，大家每日讚嘆之餘，亦都擔心工作朝不保夕，好懷念過往簡單而美好嘅小日子。

小編有時都會諗返起細個未有智能電話時📱，生活究竟係點過。好多人去廁所時會拎本書或者雜誌入去睇、「手不釋卷」📗，如果「手邊無書」，無聊起上嚟亦會研究洗頭水/洗手液嘅配方同成份🧴。

至於出門在外，又可以點排解無聊？好多小朋友就會拎Gameboy出去玩🎮，而唔少女士坐長途車時(例如由新界出市區，又經常會遇上屯門公路大塞車)，就會拎去兩支編織針，為摯愛編織冷衫、頸巾🧣，都可以話係呢個塞車之城嘅城市一景。

時至今日，雖然科技大有進步，但新界人仍然難逃「世襲塞車宿命」，只係唔少變咗「低頭族」，坐車時喺電話「煲劇」、睇片🎬，藉此消磨時間。

如果想交通暢順，唔駛每日都要為「漫漫長路」諗定節目，規劃上可以點做？

#AI #smartphone #智能電話 #meme #屯門 #元朗

【延伸閱讀】
明日大嶼規劃方案 有咩新鐵路、道路？https://bit.ly/3GuXCeZ

Source by 政策．正察