【轉發】【明明約咗喺大埔站 搵嚟搵去都搵唔到嘅】 講過笑話畀大家聽，話說小編細個時有朋友約行山，相約喺大埔等。當時小編從未踏足大埔，只知有鐵路到達，就問︰「係咪火車站等 | 政策．正察

【明明約咗喺大埔站🚇 搵嚟搵去都搵唔到嘅】 講過笑話畀大家聽😜，話說小編細個時有朋友約行山⛰️，相約喺大埔等。當時小編從未踏足大埔，只知有鐵路到達，就問︰「係咪火車站等」🚂(當時兩鐵尚未合併)，結果上車後只搵到「大埔墟」站，心虛得只好打電話同朋友確認📲，兩者係咪同一個站。 咁點解「大埔墟站」唔直接叫「大埔站」，方便區外人認知？一方面，與昔日區內設有墟市有關；而另一方面就係因為當時大埔區仲有另一車站🚉。呢一個車站，雖然之後易名為「大埔滘站」，但一開始嗰陣，只係稱為「大埔火車站」，喺1910年九廣鐵路通車時已投入服務。既然個名畀人用咗，喺1913年先設立嘅「大埔墟站」就自然唔可以就咁叫「大埔」。 咁點解「大埔站」又要改名「大埔滘站」呢？咁係因為同唔少乘客中伏有關，因為好多人想去大埔墟，但早咗喺「大埔站」落車。為便分別，就要改名。 「大埔滘站」位於現為過渡性房屋嘅前港鐵員工宿舍策誠軒，昔日設站原因係鄰近碼頭⛴️，可以服務轉乘街渡嘅市民🛶，但去到1983年，就因為預算客流量不足而「殺站」⛔。但隨著時代變遷，吐沿露港鐵路線會有機會再次加站，佢就係科學園╱白石角站，研究選址為白石角香港教育大學運動中心用地一帶興建，以配合科學園嘅發展。所以話，各行各業嘅發展，往往都需要基建帶動架🏗️！ #大埔 #大埔墟 #太和 #科學園 #火車 #鐵路 #基建 #圍爐講古 【延伸閱讀．三大基建 撐起本港未來發展】
https://bit.ly/3QXhVVC

Source by 政策．正察