【轉發】【每次睡醒都係熟識嘅風景｜原因究竟係咩？】 常言道「時間就是金錢」，但打工仔就係用時間換取金錢，除咗辦公時間之外，每日返工放工嘅車程，都佔去人生一大部分。唔少打 | 政策．正察

【🛌🏻每次睡醒都係熟識嘅風景｜原因究竟係咩？】 常言道「時間就是金錢」💰，但打工仔就係用時間換取金錢，除咗辦公時間之外，每日返工放工嘅車程🚍，都佔去人生一大部分。唔少打工仔都因為咁而練成「上車補眠大法」，如果有幸唔駛罰企，就會喺車上爭取時間瞓一瞓。塞車嘅話，有時可以瞓到成個鐘💤，甚至更加耐都唔定。 但有個好得意嘅現象，就係唔少打工仔都「內置鬧鐘」⏰，架車去到特定位置就會「自然醒」。根據網上討論，大埔廣福邨迴旋處、元朗博愛迴旋處、上水雞嶺迴旋處、馬鞍山耀安邨迴旋處都係「覺醒位」，因為大都處於巴士剛剛行完高速公路嘅位置，有人估係咪同車速改變或者離心力有關；網上亦有講法指，有機會係生理時鐘所致，亦有可能係瞓覺嗰時聽到廣播，因為睡眠期間😴大腦並未屏蔽所有刺激。你又通常去到邊個位會知醒？ 現象雖然有趣，但點都好啦，「以車代床」🛌🏻呢個情況並唔理想。如果路路暢通，或者有更快捷嘅運輸手段，市民就可以正正經經咁瞓多陣。喺呢方面，未來基建網絡又會有咩改善？ #交通 #塞車 #大西北 #基建 #大埔 #元朗 #上水 #馬鞍山 【延伸閱讀】
施政報告提出咩新基建？ https://bit.ly/3WpraBU

Source by 政策．正察