【📰: 醫委會最新表決方案——有進步，但可以更進一步】

醫務委員會今日再開會表決豁免實習方案。經投票所議決嘅方案，要求非本地培訓醫生喺通過執業試，並完成至少3年有限度註冊工作後，就可以豁免實習期。

我哋樂見社會各界積極討論有關輸入非本地培訓醫生嘅措施，而啱啱議決嘅新方案，喺一定程度上提升咗現行「免試」與「考試」途徑嘅銜接，亦確保非本地培訓醫生喺公營醫療機構或大學醫學院服務指定年期。

新方案無疑係踏出第一步，但可惜方案仍只係針對已有專科資格嘅非本地培訓醫生，以及與其相關嘅實習安排。仍有以下幾點，需要社會重視︰

．改善醫生人手短缺，非專科醫生角色亦非常重要
．實習安排只係重重障礙之一，仍需要多管齊下嘅方案去打通各個關卡

換言之，未來仍需加大力度去拆牆鬆綁，先可以應對未來日益嚴重嘅公營醫院醫生人手嚴重短缺問題。

想知有咩方法，可以去了解我哋嘅倡議↓
📝報告概要 bit.ly/2I9GZJW
💬記者會焦點 bit.ly/2P04Vjy
📑報告全文 bit.ly/2P04Vjy

#醫委會 #非本地培訓醫生 #豁免實習 #公營醫院 #最新方案