【轉發】【屯門三聖麒麟石 神打「寄石」 不容冒犯？】 本港靈石遍布，但除咗廣為人知嘅沙田望夫石、寶雲道姻緣石，原來屯門三聖邨旁麒麟崗公園內亦有一麒麟石(亦稱三聖石)被信 | 政策．正察

【屯門三聖麒麟石🪨 神打「寄石」 不容冒犯🙅🏻‍♀️🙅🏻‍♂️？】 本港靈石遍布，但除咗廣為人知嘅沙田望夫石、寶雲道姻緣石，原來屯門三聖邨旁麒麟崗公園內亦有一麒麟石(亦稱三聖石)被信仰具有靈力🙏🏻，甚至令青山公路擴建工程需因此繞道🛣️。 話說政府喺1973年正式宣佈發展屯門新市鎮，而喺1976年時政府擴建青山道時，打算移除擋路嘅麒麟石，但「爆石」之前💥，工人工傷頻頻🤕(亦有傳集體染上怪病)，令承建商只好打退堂鼓；及後政府再次招標，但爆破時靈石不單絲毫無損，更滲出紅血液體云云。據傳當時有名外籍官員不畏鬼神👻💀，堅持原訂計劃，詎料兒子意外喪生。三聖石「顯靈」之說轟動社會，加上民眾請願，政府遂決定「繞道而行」，將該地劃成公園。 有傳麒麟石有靈，係因為風水或者受老鼠洲鼠精🐭所依附，但據周樹佳先生所著《香港民間風土記憶．貳》所指，乃係因為習神打嘅水上人「寄石」有關，亦即「藏魂寄石」，把魂魄寄於堅石之中，如遇險境，亦有保護🛡️。 時至今日，麒麟石矗立依然，石前碑文記述「填海之前，岸線所在，以此石為界。」，記錄昔日屯門海岸線🌊。回顧昔日都市傳說，令人緬懷一番之外，亦可以從中睇到本港發展歷程，知道當日新市鎮發展歷史、填海造地過程，以及道路規劃。 #屯門 #三聖 #三聖邨 #麒麟石 #填海 #子不語 #香港子不語 #都市傳說

Source by 政策．正察