【轉發】【新市鎮居民與工作的距離】 網上流傳一個講法，話新市鎮居民每日嘅時間畀其他地方冇咁見駛，因為每日返工、放工都要花費大量時間喺交通之上，咁究竟每日有幾多人，需要 | 政策．正察

【🛣️新市鎮居民與工作的距離】 網上流傳一個講法💬，話新市鎮居民每日嘅時間畀其他地方冇咁見駛⏰，因為每日返工、放工都要花費大量時間喺交通🚙之上，咁究竟每日有幾多人，需要跨區工作？ 先講全港工作人口👨🏻‍💻分布，根據2021年人口普查數字，新市鎮住咗最多工作人口，有成逾175萬咁多，遠超港島(逾62萬)、九龍(逾107萬)、新界其他地區及水上(逾22萬)。即係單以量睇，已經有龐大嘅交通需求🛤️。 然後，我哋再講新市鎮居民入邊嘅交通需求分布。可能因為未能做到職住平衝，所以喺新市鎮嘅逾175萬工作人口入邊，只有約14%(逾24萬)可以原居(同一新市鎮)工作，有唔少人需要出返市區返工🏃🏻，當中有22%(逾38萬人)需要出九龍；約14%(逾25萬人)需要出港島區。呢種情況，亦增加交通系統負擔🏋🏻。 唔少新市鎮居民日常已經面對路面擠塞、鐵路爆滿嘅問題，每日通勤都蠶食唔少時間。隨著進一步發展，以及北部都會區規劃，未來會遷入更多人口，如果唔想塞上加塞，又應該點做🙋🏻‍♂️？ #北部都會區 #新市鎮 #塞車 #屯門 #元朗 #荃灣 #沙田 #大埔 #將軍澳 #東涌 #粉嶺 #上水 【延伸閱讀．三大基建 撐起本港未來發展】
https://bit.ly/3QXhVVC

Source by 政策．正察