【轉發】【屯門公路 95年時曾封閉逾周｜居民轉乘渡輪迫爆碼頭】 屯門公路對該區交通嘅重要性不言而喻，時至今日，雖然有屯馬線此另一出行選擇，以及大欖隧道幫手分流，但每日繁 | 政策．正察

【屯門公路 95年時曾封閉逾周｜居民轉乘渡輪迫爆碼頭】 屯門公路對該區交通嘅重要性不言而喻，時至今日，雖然有屯馬線此另一出行選擇🚆，以及大欖隧道幫手分流，但每日繁忙時間仍不時擠塞🚗🚕🚙。如果返去90年代⏳，更少交通基建時，屯門公路就更可以話係「主力中嘅主力」。 一旦呢條大動脈塞咗會點呢？喺1995年8月18日，有巨石突然喺山上擴闊工程地盤碌落屯門公路小欖段🪨，造成一名小型客貨車司機不幸死亡，政府隨即全面封閉往荃灣方向嘅屯門公路，以便鞏固斜坡。 事件令屯門幾成弧島。據當時新聞報道，封閉期間，啱啱天光就有大批市民湧向屯門碼頭坐渡輪出市區⛴️，朝早七點幾時輪候人數達「千幾二千人」，等中環渡輪嘅人龍見唔到龍尾。有居民受訪時指出，曾試過坐巴士出行，但就坐足六個鐘；亦有人坦言會「遠離屯門」，搬到屋企人家中暫住。封閉歷時八日之久，期間唔少打工仔飽受困擾。 嚟到依家，屯門對外交通基建雖然已有改善，但隨著人口增加，屯門公路依然身負重擔，塞車同樣係家常便飯。隨著明日大嶼的新方案出爐，未來基建網絡又會有咩變化🚦，令大西北居民唔駛再「早出晚歸？」 #屯門公路 #屯公 #屯門 #香港歷史 【延伸閱讀】
明日大嶼規劃方案 有咩新鐵路、道路？ https://bit.ly/3GuXCeZ

Source by 政策．正察